резервтегі әскер

резервтегі әскер
(Резервные войска)
белгілі бір уақытқа дейін сақталатын және жағдайдың өзгеруіне, жаңа міндеттердің тууына байланысты іске қосылатын әскер, әскери техника, қару-жарақ, материалдық қор. Мақсатына және қолданылу көлеміне қарай тактикалық, оперативтік, стратегиялық және мемлекеттік болып, бөлінеді. Тактикалық резервке жалпы әскери бөлімдер, танкіге қарсы ататын артиллерия, инженерлік және байланыс құралдары, бөлімдері, т.б. кіреді. Бұлар ұрыс кезінде туатын міндеттерді орындауға пайдаланылады. Оперативтік резервтер құрамында ұрыс жүргізіп жатқан әскерлердің құрамын нығайтатын танк, моторлы атқыштар бөлімдері мен құрамалары, артиллерия, инженерлік, химиялық құрамалар, т.б. әскерлер болады. Стратегиялық резервтер — әскер түрлерінің жоғары бас қолбасшылыққа тікелей бағынатын бөлімдері мен құрамалары және бірлестіктері. Олар соғыс қимылдары жүріп жатқан жерде немесе тылдағы ауданда орналасады. Қажетті жағдайда майданға жіберіледі. Р.ә-ге, сондай-ақ еліміздің тылындағы қоймаларда, базаларда, әскери өнеркәсіптерде сақталатын соғыс техникасы, қару-жарақ түрлері де жатады. Мемлекеттік резервтер — әскер қатарына шақырылуға кезегі келгендер және запасқа шыққан әскери міндеттілер, энергетикалық ресурстардың, стратегиялық шикізаттың, азық-түліктің, жөндеу құралдарының қоры. Р.ә-ді ұйымдастыру және тиімді пайдалану мен қайта қалпына келтіру қарсыластың күші мен құралдарынан басым түсуді қамтамасыз етуге, соғыс пен операцияның мақсатына жетуіне мүмкіндік береді.

Казахский толковый терминологический словарь по военному делу. — Мектеп.

Нужно сделать НИР?

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»